ອີກໜຶ່ງກ້າວແຫ່ງຄວາມສຳເລັດ ເອັສທີ-ເມືອງໄທ ປະກັນໄພ ໄດ້ຮັບລາງວັນໃຫຍ່ໃນກອງປະຊຸມສະຫຼຸບວຽກງານປະກັນໄພທົ່ວປະເທດ

ໃນວັນທີ 13 ມີນາ 2026 ທີ່ຜ່ານມາ, ບໍລິສັດ ເອັສທີ-ເມືອງໄທ ປະກັນໄພ ໄດ້ຮັບກຽດເຂົ້າຮ່ວມກອງປະຊຸມສະຫຼຸບວຽກງານປະກັນໄພ ແຫ່ງ ສປປ ລາວ ປະຈຳປີ 2025 ແລະ ທິດທາງແຜນການປີ 2026, ນອກຈາກຄວາມພາກພູມໃຈທີ່ໄດ້ຮັບລາງວັນ "ປະກັນຊີວິດອັນດັບ 1 ໃນລາວ" ແລ້ວ, ບຸກຄະລາກອນລະດັບຜູ້ບໍລິຫານຂອງພວກເຮົາ ກໍໄດ້ຮັບໃບຍ້ອງຍໍດີເດັ່ນອີກດ້ວຍ:

• ທ່ານ ດາວິດ ສັງວອນຣາດຊະຊັບ (ຮອງຜູ້ອຳນວຍການອາວຸໂສ) ໄດ້ຮັບໃບຍ້ອງຍໍ "ນັກວິທະຍາກອນດີເດັ່ນ“
• ທ່ານ ທະວັດໄຊ ຈັນທະດີ (ຮອງຜູ້ອຳນວຍການ) ໄດ້ຮັບໃບຍ້ອງຍໍ "ນັກວິທະຍາກອນດີເດັ່ນ“

ລາງວັນເຫຼົ່ານີ້ຄືສິ່ງຢືນຢັນເຖິງສັກກາຍະພາບ ແລະ ຄວາມເປັນມືອາຊີບຂອງທີມງານພວກເຮົາ ທີ່ພ້ອມຈະຖ່າຍທອດຄວາມຮູ້ ແລະ ມອບບໍລິການທີ່ດີທີ່ສຸດໃຫ້ແກ່ສັງຄົມ 

ກິດຈະກຳ ຍົກລະດັບຄວາມຊ່ຽວຊານ ເພື່ອການບໍລິການທີ່ດີຂຶ້ນທີ່ ໂຮງໝໍ ຫຼັກໄຊ ບໍລິສັດ ເອັສທີ-ເມືອງໄທ ປະກັນໄພ ຮ່ວມກັບ ໂຮງໝໍ ຫຼັກໄຊ ໄດ້ຈັດກິດຈະກຳ Workshop ສຸດພິເສດໃຫ້ແກ່ທີມງານຕົວແທນຝ່າຍຂາຍ​

ພາຍໃນງານ, ພວກເຮົາໄດ້ເນັ້ນຢ້ຳຄວາມສຳຄັນຂອງການວາງແຜນຮັບມື ພ້ອມການປ້ອງກັນພະຍາດໄຂ້ຫວັດໃຫຍ່ ແລະ ການເຄຣມຢ່າງເປັນມືອາຊິບ ເຊິ່ງພາບຄວາມປະທັບໃຈໃນມື້ງານນີ້ ແມ່ນການຢືນຢັນເຖິງຄວາມມຸ່ງໝັ້ນຂອງພວກເຮົາ ວ່າຈະປັບປຸງ ພັດທະນາ ສົ່ງເສີມການບໍລິໃນການເພມອບສິນທົດແທນຢ່າງຈິງໃຈ ເພື່ອຊ່ວຍແບກຮັບພາລະຂອງລູກຄ້າໃນຍາມທີ່ຕ້ອງການທີ່ສຸດ

ກິດຈະກຳ Company Outing 2026 ຂອງບໍລິສັດ ເອັສທີ-ເມືອງໄທ ປະກັນໄພ ໃນວັນທີ 14-15 ກຸມພາ 2026 ທີ່ເມືອງເຟືອງ ພວກເຮົາເຊື່ອໝັ້ນວ່າ “ຄວາມເປັນໜຶ່ງດຽວ” ຄືກະແຈສໍາຄັນທີ່ເຮັດໃຫ້ ເອັສທີ-ເມືອງໄທ ປະກັນໄພ ກ້າວໄປໄດ້ໄກ ແລະ ເຂັ້ມແຂງກວ່າເກົ່າ​

ຂອບໃຈທີມງານທຸກທ່ານທີ່ຢືນຄຽງຂ້າງກັນ ແລະ ພ້ອມທີ່ຈະສ້າງອະນາຄົດທີ່ສົດໃສໄປນຳກັນ ພາຍໃຕ້ແນວຄິດ "Stand As One".​

ວັນທີ 14/02/2026 ທີ່ຜ່ານມາ ເນື່ອງໃນໂອກາດປີນີ້ ບໍລິສັດ ເອັສທີ-ເມືອງໄທ ປະກັນໄພ ຈຳກັດ ກ້າວເຂົ້າສູ່ປີທີ 9

ພວກເຮົາໄດ້ມີໂອກາດ ລົງຢ້ຽມຢາມ ມອບອຸປະກອນການສືກສາ ອຸປະກອນກິລາ ຖົງຜ້າ ແລະ ເຂົ້າຫນົມຕ່າງໆ ໃຫ້ແກ່ນ້ອງນັກຮຽນໂຮງຮຽນ ບ້ານດອນ, ເມືອງເຟືອງ ແຂວງວຽງຈັນ.

ນຳພາໃນການມອບໂດຍ ຮັກສາການຜູ້ອຳນວຍການໃຫຍ່ ທ່ານ ໄຊຊະນະ ພູນສະຫວັນ ພ້ອມດ້ວຍຄະນະ ແລະ ພະນັກງານ.

ເອັສທີ-ເມືອງໄທ ປະກັນໄພ ເລັງເຫັນຄວາມສຳຄັນຂອງການສືກສາ ແລະ ພັດທະນາ ອະນາຄົດຂອງຊາດ.